قومی اسمبلی نے طلبہ کو جعلی انٹرن شپ اشتہارات سے خبردار کیا۔

قومی اسمبلی (این اے) سیکرٹریٹ نے عوام کو سوشل میڈیا اور جاب پورٹلز پر گردش کرنے والے جعلی اشتہارات اور آن لائن لنکس سے خبردار کیا ہے جو غلط طور پر انٹرن شپ کے لیے درخواستیں طلب کرتے ہیں۔

ایک بیان میں سیکرٹریٹ نے کہا کہ اس نے آن لائن پلیٹ فارمز یا تھرڈ پارٹی ویب سائٹس کے ذریعے انٹرن شپ درخواستوں کے لیے کوئی عوامی اعلان جاری نہیں کیا۔

اس نے بتایا کہ سمر 2026 کا انٹرن شپ پروگرام ایک منظم طریقہ کار کے تحت چلایا جا رہا ہے، جس کے تحت منتخب جامعات سے براہِ راست رابطہ کیا جا رہا ہے تاکہ منظور شدہ فریم ورک کے مطابق طلبہ کے نامزدگی کی جائے۔

سیکرٹریٹ نے طلبہ کو خبردار کیا کہ وہ محتاط رہیں اور غیر مجاز لنکس یا ویب سائٹس کے ذریعے اپنی ذاتی معلومات یا درخواستیں جمع کروانے سے گریز کریں۔

مزید کہا گیا کہ جھوٹی یا گمراہ کن معلومات پھیلانے میں ملوث افراد کے خلاف کارروائی کی جا سکتی ہے۔ حکام نے بتایا کہ قومی اسمبلی کے پروگرامز سے متعلق تمام اعلانات صرف سرکاری اور تصدیق شدہ ذرائع سے ہی کیے جائیں گے۔