2025 میں 4 لاکھ سے زائد طلبہ انٹرمیڈیٹ امتحانات میں فیل ہوگئے۔
May 7, 2026انٹرمیڈیٹ بورڈ کمیٹی آف چیئرمینز (IBCC) نے ملک بھر کے اعداد و شمار جاری کیے ہیں جن کے مطابق 2025 میں 4 لاکھ سے زائد طلبہ انٹرمیڈیٹ امتحانات میں کامیاب نہ ہو سکے۔
اعداد و شمار کے مطابق سب سے زیادہ فیل ہونے والے طلبہ کا تعلق صوبہ پنجاب سے تھا۔ پنجاب کے 9 تعلیمی بورڈز سے 7 لاکھ 59 ہزار 431 طلبہ نے امتحانات میں شرکت کی، جن میں سے 2 لاکھ 70 ہزار 68 طلبہ فیل ہوگئے۔
خیبر پختونخوا میں 8 تعلیمی بورڈز کے 2 لاکھ 82 ہزار 585 طلبہ نے امتحانات دیے، جن میں 5 ہزار 316 طلبہ فیل ہوئے۔
سندھ میں 6 تعلیمی بورڈز کے 3 لاکھ 80 ہزار 13 طلبہ امتحانات میں شریک ہوئے، جن میں سے 53 ہزار 34 طلبہ کامیاب نہ ہو سکے۔
بلوچستان میں کوئٹہ بورڈ کے تحت 54 ہزار 456 طلبہ نے سالانہ امتحانات میں حصہ لیا، جہاں 3 ہزار 147 طلبہ فیل ہوئے۔
فیڈرل بورڈ آف انٹرمیڈیٹ اینڈ سیکنڈری ایجوکیشن (FBISE) کے مطابق 1 لاکھ 993 طلبہ امتحانات میں شریک ہوئے، جن میں سے 17 ہزار 319 طلبہ فیل ہوگئے۔
مزید یہ کہ ایک اور امتحانی سلسلے میں 48 ہزار 31 انٹرمیڈیٹ طلبہ نے شرکت کی، اور تمام 48 ہزار 31 طلبہ فیل ہوگئے۔ IBCC کے اعداد و شمار ملک بھر میں 2025 کے انٹرمیڈیٹ امتحانات میں طلبہ کی مجموعی کارکردگی کو ظاہر کرتے ہیں۔