پنجاب بھر میں آٹھویں جماعت کے سالانہ بورڈ امتحانات کے لیے رجسٹریشن کا عمل 25 مئی سے باضابطہ طور پر شروع ہوگا۔

پنجاب بھر میں آٹھویں جماعت کے سالانہ بورڈ امتحانات کے لیے رجسٹریشن کا عمل 25 مئی سے باضابطہ طور پر شروع ہوگا۔

حکام کے مطابق امیدواروں کی رجسٹریشن کی آخری تاریخ 8 جولائی مقرر کی گئی ہے۔ تمام اسکولوں کو ہدایت کی گئی ہے کہ وہ مقررہ مدت کے اندر اپنے طلبہ کی رجسٹریشن مکمل کریں۔

Punjab Education Curriculum, Training and Assessment Authority (PECTAA) کی جانب سے جاری کردہ ایک سرکلر میں اسکول سربراہان کو ہدایت دی گئی ہے کہ طلبہ کا مکمل اور درست ریکارڈ جمع کروایا جائے، جس میں تاریخِ پیدائش، والد کا نام اور منتخب کردہ مضامین شامل ہوں۔

حکام نے خبردار کیا ہے کہ کسی بھی غلط یا نامکمل معلومات کی ذمہ داری متعلقہ اسکول انتظامیہ پر عائد ہوگی۔

سرکلر میں بتایا گیا کہ رجسٹریشن کے عمل کو شفاف اور منظم بنانے کے لیے تفصیلی ہدایات پہلے ہی تمام اسکول سربراہان کو ارسال کی جا چکی ہیں۔

سرکاری اعداد و شمار کے مطابق، سال 2026 میں تقریباً 10 لاکھ طلبہ نے آٹھویں جماعت کے بورڈ امتحان میں حصہ لیا۔

حکومت نے متعلقہ اداروں کو ہدایت دی ہے کہ آئندہ سال امیدواروں کی تعداد میں اضافہ کیا جائے اور رجسٹریشن کے نظام کو مزید بہتر اور مؤثر بنایا جائے۔